Corona: विधायक के कोरोना संक्रमण ले हो गे मौत, अस्पताल म रिहिस भर्ती, पढो पूरा खबर

जय जोहार…. (Corona) महाराष्ट्र के पंढरपुर-मंगलवेधा विधानसभा क्षेत्र के एनसीपी विधायक भरत भालके के कोरोना संक्रमण ले मौत हो गे हे। कुछु दिन पहिले ओखर कोरोना जांच रिपोर्ट ह पाजिटिव आय रिहिन, जेखर बाद ओ मन ल इलाज बर पुणे के रूबी अस्पताल म भर्ती कराय गे रिहिस।

कोरोना (Corona) ले बने होय के बाद ओ मन ल अस्पताल ले डिस्चार्ज कर दे गे रिहिन। 60 साल के भालके ह सरलघा तीन बार पंढरपुर-मंगलवेधा विधानसभा क्षेत्र ले चुनाव जीते रिहिस।

बता देन कि महाराष्ट राज्य ह कोरोना (Corona) वायरस ले बुरी तरह ले प्रभावित हे। इहां मुंबई एयरपोर्ट म सख्ती अऊ बढ़ा दे गे हे। बगैर कोरोना जांच कराए एयरपोर्ट ले बाहर जाय म रोक होही। छत्रपति शिवाजी इंटरनेशनल एयरपोर्ट मुंबई के इंचार्ज ह नवा नियम जारी करे हे।