जय जोहार। छत्तीसगढ़ (chhattisgarh) हस्तशिल्प विकास बोर्ड डहार ले राज्य के उत्कृष्ट हस्तशिल्प कलाकार ल हरेक बछर के भांति ए बछर घलो पुरस्कृत करे जाही । ए संबंध म इच्छुक हस्तशिल्प कलाकार ह 23 फरवरी तक आवेदन प्रस्तुत कर सकत हे। हस्तशिल्प पुरस्कार बर चयनित कलाकार ल 25 हजार रुपिया के रकम के साथ शाल, श्रीफल अउ प्रमाण पत्र प्रदान करे जाही ।
छत्तीसगढ़ हस्तशिल्प विकास बोर्ड ले मिले जानकारी के अनुसार आवेदन प्रस्तुत करइया इच्छुक हस्तशिल्प कलाकार ह आवेदन के संग अपन कलाकृति छत्तीसगढ़ हस्तशिल्प विकास बोर्ड, रायपुर या जिला के हस्तशिल्प विकास बोर्ड के कार्यालय म जमा कर सकत हे । आवेदन पत्र के संग कलाकृति ल जमा कराय बर प्रतिभागी मन ल निर्धारित प्रपत्र म जानकारी भरके ओला जिला के प्रभारी अधिकारी या जिला पंचायत के मुख्य कार्यपालन अधिकारी अथवा हस्तशिल्प बोर्ड के प्रबंधक ले अनुसंसा कराना होही । आवेदन करने बर फॉर्म अउ अन्य जानकारी हस्तशिल्प विकास बोर्ड के वेबसाइट http://cghandicraft.cgstate.gov.in/ म प्राप्त करे जा सकत हे ।
