जय जोहार। राष्ट्रीय कुष्ठ उन्मूलन कारीकरम के अंतर्गत छत्तीसगढ़ (chhattisgarh ) म एखर कुष्ठ रोगी मन के पहचान अउ ओखर इलाज के नियमित मॉनिटरिंग बर व्यापक कारीकरम ल संचालित करे जावत हे। प्रदेस ले ए रोग के उन्मूलन बर स्वास्थ्य विभाग के टीम ह घर-घर दस्तक देके कुष्ठ रोगी मन के पहचान करत हे ।
कुष्ठ रोग, रोगी के संग खान-पान, संग रहे या संग काम करे ले नई होत हे । एखर लक्षण कई ठीन तरह ले नजर आवत हे । चमड़ी म तेलिया-तामिया चमक, चमड़ी म खासके चेहरा म , भौंह के ऊपर, ठोड़ी म या कान म गठान, सूजन या मोटापन, चमड़ी म दाग, चकते जेमा सुन्नपन हो, तंत्रिका म मोटापन या सूजन हो, जेला दबाय ले दर्द होत हो, हाथ-पैर म झुनझुनी अउ सुन्नपन कुष्ठ के प्रमुख लक्षण हे। (chhattisgarh ) एम.डी.टी. के दवाई ह एखर शर्तिया इलाज हे । ये सबो सासकीय अस्पताल म मुफत म उपलब्ध हे । प्रदेस के सबो जिला चिकित्सालय, सिविल अस्पताल, सामुदायिक स्वास्थ्य केंद्र अउ प्राथमिक स्वास्थ्य केंद्र म एखर मुफत जांच करे जात हे ।
(chhattisgarh ) स्वास्थ्य-परिवार कल्याण विभाग अउ राष्ट्रीय स्वास्थ्य मिशन के संचालक डॉ. प्रियंका शुक्ला ह बताइन कि एक्टिव केस डिटेक्शन एंड रेगुलर सर्विलेंस के तहत चालू वित्तीय बछर 2021-22 म अब तक प्रदेस के 28 जिला म दो करोड़ 20 लाख 20 हजार 736 मनखे मन के स्क्रीनिंग करे गेहे । एमा ले 2110 मनखे मन म कुष्ठ रोग के पुष्टि होय हे । राज्य म मिले कुष्ठ के मरीज मन के एन.एल.ई.पी. लेपट्रैक (मोबाइल बेस्ड एप्लीकेशन) के माध्यम ले निगरानी अउ ओखर इलाज के फॉलो-अप करे जात हे ।
कुष्ठ के मामला के जांच बर ए बछर 28 जिला म करे स्क्रीनिंग म 2110 मनखे मन म एखर पुष्टि होय हे । दुर्ग जिला म 324, बेमेतरा म 112, बालोद म 84, राजनांदगांव म 27, धमतरी म 75, जांजगीर-चांपा म 108, रायपुर म 216, बलौदाबाजार-भाटापारा म 165, गरियाबंद म 16, महासमुंद म 152, सरगुजा म 27, बिलासपुर म 37, मुंगेली म 95, कोरबा म 102, सूरजपुर म 21, बलरामपुर-रामानुजगंज म 10, जशपुर म 11, नारायणपुर म 6, कोरिया म 25, रायगढ म 288, गौरेला-पेंड्रा-मरवाही म 21, कबीरधाम म 66, बस्तर म 23, बीजापुर म 44 , कोंडागांव म 6, सुकमा म 2, दंतेवाडा म 10 अउ कांकेर म 37 कुष्ठ रोगी मिले हे ।
No Comment! Be the first one.