Chhattisgarh: स्वास्थ्य मंत्री टीएस सिंहदेव ह करिन कोरबा म वायरोलॉजी लैब के वर्चुअल सुभारंभ, पढ़व

जय जोहार…. (Chhattisgarh) प्रदेश के स्वास्थ्य मंत्री टीएस सिंहदेव ह रायपुर म अपन निवास स्थान ले वर्चुअल बइठक म सामिल होके कोरबा जिला म निर्मित वायरोलॉजी लैब के वर्चुअल लोकार्पण करिन।

ए अवसर म (Chhattisgarh) स्वास्थ्य मंत्री सिंहदेव ह कहिन कि पूर्व म कोरबा जिला ले सैंपल ल लेके बिलासपुर भेजे जावत रिहिन। जेखर ले संक्रमित मरीज मन के जांच रिपोर्ट पता चले म विलंब होवत रिहिन। आज कोरबा म वायरोलॉजी लैब होय ले क्षेत्र के वासी मन ल जल्दी आरटीपीसीआर रिपोर्ट प्राप्त होही, जेखर ले संक्रमण के पता लगाए अउ कांटेक्ट ट्रेसिंग म सहायता मिलही।

(Chhattisgarh) स्वास्थ्य मंत्री टीएस सिंहदेव ह बताईस कि हमर मन के सरकार ह फइसला ले हे कि सबो मेडिकल कालेज म वायरोलॉजी लैब स्थापित करे जाही। ए दिशा म निर्णय होये हे कि 7 अउ वायरोलॉजी लैब अवइया दिन म छत्तीसगढ़ शासन स्वास्थ्य विभाग के माध्यम ले स्थापित करही, जेमा जशपुर, चांपा-जांजगीर, बलौदाबाजार, दुर्ग, दंतेवाड़ा, बालोद अउ मुंगेली म लक्षित हे।