chhattisgarh: स्वास्थ्य मंत्री टीएस सिंहदेव ह अंबिकापुर अउ जशपुर म मुफत डायलिसिस सुविधा के करीन सुभारंभ

जय जोहार…. (chhattisgarh) स्वास्थ्य मंत्री टी.एस. सिंहदेव ह आज अंबिकापुर अउ जशपुर म मुफत डायलिसिस सुविधा के सुभारंभ करीन। स्वास्थ्य मंत्री सिंहदेव ह अंबिकापुर म खुद मौजूद रहिके अउ जशपुर म वर्चुअल कारीकरम ले ए केंद्र के उद्घाटन करीन। राष्ट्रीय स्वास्थ्य मिशन के अंतर्गत राष्ट्रीय मुफत डायलिसिस कारीकरम के तहत ‘जीवन धारा’ नाव ले ये सुविधा ल सबो बर सुरु करे गे हे।

स्वास्थ्य मंत्री टी.एस. सिंहदेव ह दुनो जिला मुख्यालय म डायलिसिस सुविधा के लोकार्पण करत हुये किहीन कि किडनी रोग ले ग्रस्त मरीज मन ल लंबा बेरा तक डायलिसिस कराए ल पड़त हे। एखर ले ओमन ल बड़का आर्थिक बोझ पड़त हे। (chhattisgarh) जशपुर अउ सरगुजा म डायलिसिस के सुविधा सुरु होय ले किडनी रोग ले पीड़ित मन ल एखर बर अब दूरिया नई जाना पड़ही। ऐखर ले मरीज अउ ओखर परिजन मन के श्रम, धन अउ बेरा के बचत होही।

(chhattisgarh) ए लोकार्पण कारीकरम म छत्तीसगढ़ श्रम कल्याण मण्डल के अध्यक्ष शफी अहमद, छत्तीसगढ़ वन औषधि पादप बोर्ड के अध्यक्ष बालकृष्ण पाठक, अंबिकापुर नगर निगम के महापौर डॉ. अजय तिर्की, जिला पंचायत सदस्य अउ जिला रेड क्रास सोसायटी के अध्यक्ष आदित्येश्वर शरण सिंहदेव, अंबिकापुर मेडिकल कॉलेज के डीन डॉ. आर. मूर्ति, चिकित्सा अधीक्षक डॉ. लखन सिंह अउ सी.एम.एच.ओ. डॉ. पी.एस. सिसोदिया उपस्थित रिहीन।