chhattisgarh : स्वास्थ्य मंत्री टीएस सिंहदेव ह लीन कांकेर अउ जगदलपुर मेडिकल कॉलेज के स्वशासी समिति के बइठक

जय जोहार। (chhattisgarh) स्वास्थ्य मंत्री टी.एस. सिंहदेव ह जगदलपुर मेडिकल कॉलेज म जगदलपुर अउ कांकेर के शासकीय मेडिकल कॉलेज के स्वशासी समिति के बइठक लीन । बइठक म दूनों मेडिकल कॉलेज के स्वशासी समिति के प्रस्ताव म विस्तृत चर्चा करे गीन । ए दउरान बजट प्रस्ताव, निर्माण काम, चिकित्सक अउ प्राध्यापक के भर्ती, आवासीय परिसर, छात्रावास निर्माण अउ कॉलेज भवन के निर्माण समेत विभिन्न व्यवस्था अउ संसाधनों म विचार-विमर्स करे गीन। चिकित्सा शिक्षा विभाग के सचिव प्रसन्ना आर. अउ संचालक डॉ. विष्णु दत्त घलो बैठक म सामिल होइन ।

(chhattisgarh) मंत्री श्री सिंहदेव ह कांकेर मेडिकल कॉलेज के डीन डहार ले प्रस्तावित बिसय म चर्चा कर बजट बर प्रस्ताव बनाके भेके के निर्देस देहे । वोहा मेडिकल कॉलेज भवन के लोकार्पण मुख्यमंत्री डहार ले करवाय के कार्ययोजना बनाय ल केहे हे । बइठक म मेडिकल कॉलेज ले संबद्ध अस्पताल बर चिकित्सक के भर्ती कैम्पस सलेक्शन के माध्यम ले करे जाय, दवाई के उपलब्धता अउ अन्य आवश्यक संसाधन के संबंध म घलो चर्चा करे गीन ।

मंत्री श्री सिंहदेव ह जगदलपुर मेडिकल कॉलेज के स्वशासी समिति के बइठक म नेसनल मेडिकल कमीसन के मापदंड के अनुसार लेक्चर हॉल अउ परीक्षा केंद्र के निर्माण बार एनआईटी रायपुर के सहयोग ले बर केहे हे । (chhattisgarh) बइठक म समिति डहार ले प्रस्तावित बैडमिंटन कोर्ट, स्पोर्ट्स कांप्लेक्स अउ संविदा म कार्यरत सिक्षक के वेतन म बढ़ोतरी के संबंध म घलो चर्चा करे गीन । मंत्री श्री सिंहदेव ह कॉलेज म सिक्षक के संख्या ल बढ़ाय म जोर दीन ।