स्वास्थ्य प्रमुख सचिव निहारिका बारिक के जनता ले अपील, अफवाह म न दे ध्यान

जय जोहार रायपुर…. स्वास्थ्य विभाग के प्रमुख सचिव निहारिक बारिक सिंह ह कोरोना वायरस ले लेके फैलत अफवाह म ध्यान नई दे के जनता ले अपील करे हे। वो हा कहिन कि दु दिन पहिले कोरोना वायरस ले संक्रमित राज्य म पहिला मरीज के पता चले हे। युवती विदेश प्रवास के बाद घर वापस आए हे। जांच के बाद पता चलिस कि ओखर कोरोना सैंपल रिपोर्ट पाजिटिव आए हे।

अभी ओखर स्वास्थ्य के हालत स्थिर हे अऊ रायपुर के एम्स अस्पताल म भर्ती हे। स्वास्थ्य विभाग ह स्थिति म नजर बनाए हुए हे। वो हा कहिन कि सही जानकारी बर स्वास्थ्य विभाग के अधिकारी मन के सुने। वाट्सअप अऊ सोशल मीडिया म फैलत खबर मन म ध्यान न दे।