Weather: छत्तीसगढ़ म अवइया 24 घंटा म भारी बारिश के संभावना

जय जोहार…. छत्तीसगढ़ के कई स्थान म मौसम (weather) ह बदल गे हे। कई जगह म देर रात ले बरसात ह होवत हे। मौसम विभाग ह पहिले ही बरसात होय के चेतावनी दे रिहिस। विभाग ह अलग-अलग जिला बर अलर्ट जारी करे रिहिस।
मौसम (weather) विभाग के अनुसार झारखण्ड अउ उत्तर पश्चिम बंगाल के उपर निम्न दाब के क्षेत्र बने हे, ए सती अवइया 24 घंटा म मध्य छत्तीसगढ़ म बारिश होय के संभावना हे।
मौसम (weather) वैज्ञानिक के अनुसार झारखण्ड अउ ओखर ले लगे हुये गैंगटिक उत्तर पश्चिम बंगाल के उपर निम्न दाब के क्षेत्र हे, एखर संग उपरी हवा के चक्रीय चक्रवाती घेरा 7.6 किमी उचाई तक स्थित हे।
ये उत्तर-पश्चिम दिशा के ओर आगू बाढ़त हे। एखर प्रभाव ले मध्य छ्त्तीसगढ़ म इतवार के दिन भर भारी बारिश हो सकथे।