मुख्यमंत्री बघेल समेत मंत्री मन के निवास म गौकाष्ठ ले होही ए बार होलिका दहन

जय जोहार रायपुर…. मुख्यमंत्री भूपेश बघेल समेत मंत्री मन के निवास अऊ रायपुर नगर निगम के सबो जोन म हजारों होलिका ए बार गौकाष्ठ ले जलही। एखर बर रायपुर नगर निगम के तरफ ले संचालित भाटागांव गौठान ले गाय के गोबर के बने हुए लकड़ी अऊ कंडे उपलब्ध कराए जात हे।

ए संबंध म निगम उपायुक्त पुलक भट्‌टाचार्य ह बताइस कि पर्यवरण प्रदूषण ल ध्यान म रखत हुए नगर निगम ह इको फ्रेंडली होलिका दहन के अपील करे हे।

भाटागांव गौकाष्ठ के संचालन करत सामाजिक संस्था एक पहल के संचालक रितेश अग्रवाल के अनुसार गौकाष्ठ या गाय के गोबर के लकड़ी ह पर्यावरण के दृष्टि ले घलो अनुकूल हे।