chhattisgarh : केंद्रीय गृह मंत्री अमित शाह ह 27 अगस्त के आही रायपुर, पढ़व

जय जोहार। (chhattisgarh) केंद्रीय गृह मंत्री अमित शाह ह 27 अगस्त के रायपुर आही। केंद्रीय गृह मंत्रालय ह आज अमित शाह के दउरा के मिनट-टू-मिनट कार्यक्रम जारी कर देहे । एखर मुताबिक अमित शाह शाह ह पांच घंटे 15 मिनट तक रायपुर म रहवइया हे।

केंद्रीय गृह मंत्री अमित शाह ह मंझनिया बाद 2 बजकर पांच मिनट म रायपुर पहुंचही । अमित शाह ह 2.30 बजे ले 3.30 बजे तक नवा रायपुर के सेक्टर-24 म बने NIA के प्रदेश मुख्यालय भवन के उद्घाटन समारोह म सामिल होही ।

उहां ले अमित शाह ह संझा चार बजे साइंस कॉलेज के दीनदयाल उपाध्याय ऑडिटोरियम पहुंचही । इहां प्रधानमंत्री नरेंद्र मोदी म केंद्रित किताब मोदी@20 म बौद्धिक वर्ग ले संवाद करही । ए संवाद के बाद केंद्रीय गृह मंत्री ह संझा 5.30 बजे भाजपा के प्रदेस कार्यालय कुशाभाऊ ठाकरे परिसर जाही । एखर बाद संझा 7 बजकर 20 मिनट म दिल्ली बर रवाना हो जाही ।