गृहमंत्री ताम्रध्वज साहू ह शहीद के परिजन मन के हित म करे हे पहल, पढो पूरा खबर

जय जोहार…. छत्तीसगढ़ के गृहमंत्री ताम्रध्वज साहू ह युद्ध अथवा सैन्य कार्यवाही म शहीद सेना के अधिकारी अउ सैनिक मन के विधवा- आश्रित मन ल 10 लाख रूपिया के स्थान म रूपिया 20 लाख एक्सग्रेसिया राशि के स्वीकृत करे जाय बर पहल करे हे। ए विषय म वो हा प्रस्ताव बना के अग्रिम कार्यवाही बर मुख्यमंत्री भूपेश बघेल के मंशा के अनुरूप वित्त विभाग ल भेज दे हे।
प्रदेश सरकार ह सरलघा प्रदेश के सुरक्षा व्यवस्था म लगे, त देश के जवान मन के हित बर कदम उठावत हे। मुख्यमंत्री भूपेश बघेल अउ गृहमंत्री ताम्रध्वज साहू के विशेष पहल ले गृह विभाग के आदेश तिथि 18 मार्च 2020 के तरफ ले नक्सली जिला म शहीद जवान के परिजन मन ल दे जवइया एक्सग्रेसिया राशि तीन लाख रूपिया ले बढ़ा के 20 लाख रूपिया करे गे हे।