जय जोहार…. छत्तीसगढ़ (chhattisgarh) के गृहमंत्री ताम्रध्वज साहू ह केन्द्रीय गृहमंत्री अमित शाह ल पत्र लिखे हे।
ए पत्र म गृहमंत्री साहू ह कहिन कि कुछ वर्ष ल पुलिस बल आधुनिकीकरण योजना ले प्राप्त होवइया राशि म निरंतर कमी होवत हे।
वर्ष 2013-14 म अनुमोदित प्लान के कुल आकार ह करीब 56 करोड़ रिहिस, जेन वर्ष 2019-20 म घट के 20 करोड़ ले घलो कम रह गे हे।
पुलिस बल आधुनिकीकरण योजना ह राज्य (chhattisgarh) पुलिस बल के क्षमता ल बढ़ाय बर एक केन्द्र प्रायोजित योजना हे, एखर मुख्य उद्देश्य पुलिस-प्रशासन अउ प्रचालन बर आवश्यक कर्मी मन ल चिन्हांकित कर ओखर पूर्ति ल करना हे।
पिछिले कई वर्ष ले छत्तीसगढ़ राज्य वामपंथ उग्रवाद समस्या ले ग्रसित हे। राज्य के 14 जिला ह नक्सल समस्या ले प्रभावित हे। जेमा ले आठ जिला ह अत्यंत प्रभावित हे।
राज्य म आधारभूत संरचना अउ आवश्यक संसाधन जइसे प्रशासनीक भवन, आवासगृह के निर्माण, शस्त्रादि, वाहन, दूरसंचार, उपकरण अउ प्रशिक्षण संस्थान के आवश्यकता हे।
नक्सली मन के खिलाफ प्रभावी कार्रवाई अउ राज्य पुलिस के संसाधन आधार विस्तृत करे ल, अत्याधुनिक बनाय जा बर योजना के अंतर्गत राशि आबंटन म वृद्धि करे जाय बर (chhattisgarh) गृहमंत्री ताम्रध्वज साहू ह केन्द्रीय गृहमंत्री अमित शाह ल पत्र लिखे हे।
No Comment! Be the first one.