गृहमंत्री ताम्रध्वज साहू ह केन्द्रीय इस्पात मंत्री धर्मेन्द्र प्रधान ल लिखिन पत्र, करिन ये आग्रह

जय जोहार…. प्रदेश के गृहमंत्री ताम्रध्वज साहू ह केन्द्रीय इस्पात मंत्री धर्मेन्द्र प्रधान ल पत्र लिखे हे। एमा दुर्ग जिला के रिसाली नगर निगम क अंतर्गत नेवई अऊ स्टेशन मरोदा के भूमि ल भिलाई इस्पात संयंत्र ले राज्य सरकार ल हस्तांतरित करे के आग्रह करे हे।

गृहमंत्री ताम्रध्वज साहू ह पत्र म लिखे हे कि अविभाजित मध्यप्रदेश के बेरा साल 1998 म जनता के मांग म शासन अऊ बीएसपी प्रबंधन के बइठक के बाद निर्णय ले गे रहिस कि जतना क्षेत्रफल म लोगन मन ह निवासरत हे। वो बस्ती ल भिलाई इस्पात संयंत्र ह राज्य शासन ल हस्तांतरित कर देही। ए निर्णय के पालन म भिलाई इस्पात संयंत्र के आधिपत्य भूमि म निवासरत जोरातराई, डुण्डेरा, पुरैना, रूआबांधा, मरोदा टैंक, स्टेशन मरोदा अऊ नेवई बस्ती म पट्‌टा वितरण बर सर्वे करे गिस, लेकिन विवाद उत्पन्न होय के सेति नेवई अऊ स्टेशन मरोदा के निवासी मन ल ए योजना ले वंचित होय ल पड़िस।