chhattisgarh : एथनिक रिसॉर्ट सुरु होय ले मैनपाट म होम स्टे ल मिलही बढ़ावा- ताम्रध्वज साहू
0 करमा एथनिक रिसॉर्ट मैनपाट अउ जोहर मोटल के होइन लोकार्पण
जय जोहार। छत्तीसगढ़ (chhattisgarh ) सासन के पर्यटन मंत्री ताम्रध्वज साहू के मुख्य आतिथ्य अउ खाद्य मंत्री अमरजीत भगत के अध्यक्षता म शुक्रवार के मैनपाट के कमलेश्वरपुर म करमा एथनिक रिसॉर्ट अउ जोहर मोटल सोनतराई के लोकार्पण होइन । समारोह के सुभारंभ छत्तीसगढ़ महतारी के छायाचित्र के समक्ष दीप प्रज्ज्वलन अउ राजगीत के संग करे गीन। स्वदेश दर्शन योजना अंतर्गत 21 करोड़ रुपिया के लागत ले निर्मित करमा एथनिक रिसॉर्ट म पर्यटक मन के ठहरे के सुविधा के संग इंहा के जनजातीय परंपरा, स्थानीय अउ तिब्बती संस्कृति ल करीब ले जानने समझने के मौक़े मिलही । ए अवसर म अतिथि मन ह एथनिक रिसॉर्ट के भ्रमण कर अवलोकन घलो करीन ।
ए अवसर म (chhattisgarh chhattisgarh ) पर्यटन मंत्री ताम्रध्वज साहू ह किहीन कि करमा एथनिक रिसॉर्ट के लोकार्पण ले मैनपाट म पर्यटक मन के सुविधा के विस्तार म एक ठीन अउ कड़ी जुड़ गीन, जेन पर्यटन विकास म एक ठीन अच्छा आयाम साबित होही । ए रिसॉर्ट के सुरु होय ले पर्यटक ह इंहा रुकेही, जेखर ले मैनपाट म होम स्टे ल बढ़ावा मिलही । स्थानीय मनखे मन ल रोजगार मिलही । इंहा के हस्तसिल्प ल मार्केट मिलही ।
वो हा किहीन कि हमन ए रिसॉर्ट के माध्यम ले पर्यटक मन ल प्रकृति ल नजदीक ले देखने के मउका देना चाहत हे। छत्तीसगढ़ पर्यटन मंडल ह प्रदेस म पर्यटन सुविधा बढ़ाय बर सरलग परयास करत हे । अब त (chhattisgarh ) प्रदेस म पर्यटन नीति घलो बन चुके हे, जेखर ले पर्यटन एक ठीन उद्योग के रूप म स्थापित हो सकत हे। जेन घलो ए क्षेत्र म काम करना चाही ओमन ल सुविधा दे जाही ।
