chhollywood : कइसे बनिस संजू के दुल्हनिया फिलिम, बतात हे फिलिम के टीम
जय जोहार। (chhollywood ) स्टार कलाकार लक्षित झांझी अऊ गुंजन अग्रवाल के बेहतरीन अभिनय ले सजे छत्तीसगढ़ी फिलिम संजू के दुल्हनिया ह अवइया महीना जुलाई के 8 तारीख के प्रदेश के कई ठीन सिनेमा घर म रिलीज होवइया हे। ए फिलिम के निर्देशक हितेश कुमार देवांगन, हीरो लक्षित झांझी, हीरोइन गुंजन अग्रवाल समेत टीम ह छत्तीसगढ़ के सुप्रसिद्ध चैनल जय जोहार के “जोहार सिनेमा” म फिलिम के बारे म बताइन। सबो के मानना हे कि ए फिलिम ल दर्शक मन ह पसंद करही।
कलाकार लक्षित झांझी अऊ गुंजन अग्रवाल के ए डेब्यू फिलिम हे, जेमा दूनों कलाकार मन के जोड़ी ह खूब जमे हे। संगे संग फिलिम के संगवारी कलाकार मन घलो अपन अभिनय ले दर्शक मन ल बांधे रखही। ए फिलिम ह हास्य, कॉमेडी अउ पारिवारिक फिलिम हे।
(chhollywood ) ए फिलिम के सबो गीत ल दर्शक मन पसंद करही। आ संगी तोर मया म मोला अइसे झन…. ह दर्शक मन के जुबान म हे। ए फिलिम के निर्देशक हितेश कुमार देवांगन ह बताइन कि ए फिलिम ह एक अलग तरह के फिलिम हे । फिलिम म हीरो लक्षित झांझी के किरदार के नाव संजू हे, जेन एक राउडी के भूमिका म हे। उन्हें अभिनेत्री गुंजन अग्रवाल के नाव राधिका हे। जेखर केमेस्ट्री दर्शक मन ल देखे बर मिलही।
संगे संग फिलिम ह मनोरंजक होय के सेती ओमन ल अच्छा लगही। (chhollywood ) वो ह बताइन कि ए फिलिम के शूटिंग ल छत्तीसगढ़ के खूबसूरत वादी म करे गेहे। जोहार सिनेमा कार्यक्रम म बहुत बढ़िया ढंग ले निर्देशक अऊ कलाकर मन अपन फिलिम के बारे म बड़ विस्तार ले चर्चा करीन कार्यक्रम के संचालन गीतकार चम्पेश्वर गोस्वामी ह करीन है।
