ए बार होही एक सौ एक फुट के रावन दहन…डब्लु.आर.एस. मैदान म बनत हे दशानन

दीपक बावनकर@रायपुर रायपुर म अईसे तो कई जगह रावन दहन के कार्यक्रम होथे ,लेकिन डब्लू आर एस मैदान के रावन दहन के बात कुछ अऊ हे ,ये बार तो एक सौ एक फुट के रावन अऊ पचास फुट के मेघनाथ अऊ कुम्भकरण के पुतला बनाय जात हे ,एला बनाय बर इन्हा के कारीगर के संगे संग लोकल कारीगर मन घलो भिड़े हे

ये बार दसहरा उत्सव समिति के ये पचासवा साल हे अऊ पन्दरह साल बाद कांग्रेस के राज म ये आयोजन होही , सब्बो मन ल बेसब्री ले इन्तेजार हे दशहरा के , बता दन कि ये बार जैम के आतिशबाजी होही अऊ रामलीला मण्डली द्वारा नाटक के मंचन घलो होही ,ये बार के मुख्य अतिथि प्रदेश के राज्यपाल अऊ मुख्यमंत्री होही ,ए बार ये उत्सव म तीन ले चार लाख के भीड़ आये के अनुमान हे .