आईएएस आलोक शुक्ला ल प्रमुख सचिव पद म मिलिस संविदा नियुक्ति, राज्य सरकार ह तीन साल बर जारी करिन आदेश

जय जोहार…. छत्तीसगढ़ के आईएएस डॉ. आलोक शुक्ला ल राज्य सरकार ह पोस्ट रिटायरमेंट संविदा नियुक्ति प्रदान करे हे। राज्य सरकार ह डॉ. आलोक शुक्ला ल संसदीय कार्य विभाग के प्रमुख सचिव नियुक्त करे हे। संगेसंग स्कूल शिक्षा विभाग के अतिरिक्त प्रभार घलो दे हे। ए संबंध म राज्य सरकार ह आदेश जारी कर दे हे।

आईएएस डॉ. आलोक शुक्ला ल आज रिटायर होना रहिस, लेकिन इतवार के छुट्‌टी के सेति वो सनिच्चर के ही रिटायर हो गिस। राज्य सरकार ह ओला तीन साल के संविदा नियुक्ति दे हे। बता देन कि डॉ. आलोक शुक्ला के पास प्रमुख सचिव स्कूल एजुकेशन, प्रमुख सचिव तकनीकी शिक्षा अऊ रोजगार, कोशल विकास के संग चेयरमैन व्यापम अऊ चेयरमैन माध्यमिक शिक्षा मंडल के चार्ज रहिस।