corona: सरलघा बाढ़त जावत हे कोरोना, प्रदेश म मिले हे कोरोना के 2227 नवा मरीज, राजधानी म घलो 672 पाजिटिव

जय जोहार…. छत्तीसगढ़ म कोरोना संक्रमित मरीज मन के संख्या ह कम होय के नाम नई लेवत हे। आज प्रदेश म कोरोना के 2227 नवा मरीज मन के पहचान होय हे।

उहचे 1345 मरीज मन ल बने होय के बाद डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 672, राजनांदगांव ले 207, दुर्ग ले 190, बिलासपुर ले 130, जांजगीर-चांपा ले 129, रायगढ़ ले 114, महासमुंद ले 75, दंतेवाड़ा ले 68, सूरजपुर ले 52, कोरिया ले 48, सुकमा ले 46, कबीरधाम ले 42, बलरामपुर अऊ कोण्डागांव ले 40-40, बालोद ले 39, सरगुजा ले 38, धमतरी ले 37, बलौदाबाजार ले 36, कोरबा ले 34, बेमेतरा ले 30, बस्तर ले 29, मुंगेली अऊ बीजापुर ले 28-28, नारायणपुर ले 22, गरियाबंद अऊ कांकेर ले 18-18, गौरेला-पेण्ड्रा-मरवाही अऊ जशपुर ले 8-8, आन राज्य ले 1 शामिल हे।

बता दन कि राज्य म कोरोना (corona) संक्रमित मन के संख्या ह 55680 हो गे हे। जेमा ले 29332 एक्टिव मामला हे।

उहचे 25855 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि ए वायरस ले प्रदेश म 493 लोगन मन के मौत हो गे हे।