
corona: प्रदेश म फेर मिले हे कोरोना के 245 नवा मरीज, 228 मरीज मन ह होइस डिस्चार्ज
जय जोहार… छत्तीसगढ़ म कोरोना (corona) मरीज मन के संख्या ह कम होय के नाम नई लेवत हे। प्रदेश म आज कोरोना के 245 नवा मरीज मिले हे।
जबकि 228 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले डिस्चार्ज कर दिया गया है। उहचे इलाज के दौरान दू संक्रमित मरीज मन के मौत हो गे हे।
आज जेन कोरोना (corona) संक्रमित नवा मरीज मिले हे, ओमा रायपुर ले 88, बिलासपुर ले 50, दुर्ग ले 49, राजनांदगांव ले 18, बलौदाबाजार ले 14, महासमुंद ले 5, बेमेतरा अउ कबीरधाम ले 4-4, गरियाबन्द, जांजगीर-चांपा, कोरिया, बस्तर अउ कांकेर ले 2-2, रायगढ़, बालोद अउ सरगुजा ले एक-एक मरीज शामिल हे।
बता देन कि राज्य म कोरोना (corona) मरीज मन के संख्या ह बाढ़ के 7863 हो गे हे। जेमा ले 2646 एक्टिव मामला हे, जेखर मन के अलग-अलग कोविड अस्पताल म इलाज चलत हे।
ऊहचे 5172 लोगन मन ल बने होय के बाद डिस्चार्ज कर दे गे हे। ए वायरस ले अब तक प्रदेश म 45 लोगन मन के मौत हो गे हे।