Corona: प्रदेश म पिछिले 24 घंटा म होय हे 267 नवा मामला के पहचान, रायपुर म घलो 88 पाजिटिव
जय जोहार….प्रदेश (Corona) म बीते 24 घंटा म कोरोना के 267 नवा मरीज ह सामने आय हे। उहचे 121 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 4 संक्रमित मन के मौत हो गे हे।
बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 88, दुर्ग ले 31, बिलासपुर ले 21, जशपुर ले 18, राजनांदगांव ले 14, धमतरी, रायगढ़ अऊ सरगुजा ले 12-12, कोरबा ले 10, बलौदाबाजार अऊ बस्तर ले 7-7, महासमुंद ले 6, गरियाबंद अऊ कांकेर ले 5-5, जांजगीर-चांपा, कोरिया अऊ सूरजपुर ले 3-3, बेमेतरा, कबीरधाम अऊ दंतेवाड़ा ले 2-2, बालोद, मुंगेली, बलरामपुर अऊ कोंडागांव ले 1-1 मरीज सामिल हे।
बता देन कि प्रदेश म कोरोना (Corona) संक्रमण के मामला ह 3 लाख 13 हजार 299 हो गे हे। जेमा ले 2961 एक्टिव मामला हे। उहचे 3 लाख 06 हजार 490 लोगन मन ह कोरोना ले जंग जीत गे हे। जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3848 संक्रमित मन के मौत हो गे हे।
