chhattisgarh म आज मिले हे कोरोना के 59 नवा मरीज, पढ़व

जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म आज कोरोना के 59 नवा मामला मिले हे । जबकि 11 मरीज ल ठीक होए के बाद ओमन ल डिस्चार्ज कर दे गेहे। उहें राज्य म आज कोरोना ले कोनो के मउत नई होए हे।

प्रदेस म आज कोरोना के जेन नवा मरीज मिले हे, ओमा दुर्ग ले 3, राजनांदगांव ले 10, बेमेतरा ले 1, रायपुर ले 16, बिलासपुर ले 10, कोरबा ले 1, जांजगीर -चांपा ले 4, गौरेला पेंड्रा मरवाही ले 1, कोंडागांव ले 7 अउ कांकेर ले 6 मरीज सामिल हे।

बता देन कि प्रदेस म कोरोना मरीज के कुल संख्या 11 लाख 78 हजार 102 हो गेहे। जेमा ले 238 एक्टिव मामला हे । जबकि 11 लाख 63 हजार 716 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14148 मरीज के मउत हो गेहे।