आईईडी बम के चपेट म आए ले सीआरपीएफ के एक जवान शहीद

दंतेवाड़ा। बस्तर के मारडूम थाना इलाका म नक्सली मन के लगाए आईईडी बम के चपेट म आए ले सीआरपीएफ 195वीं बटालियन के एक जवान शहीद हो गे। जवान के नाम रोशन कुमार बताए जाथ हे।

दंतेवाड़ा एसपी अभिषेक पल्लव ह बताईन कि शहीद जवान ह अपन ड्यूटी ले पूसपाल बोदली कैम्प लौटत रहीस, तभे बुधवार के बिहनिया सवा 6 बजे करीब 700 मीटर दूर आईईडी बम ब्लास्ट हो गे, जेखर चपेट म आए ले जवान शहीद हो गिन।

शहीद जवान के शव ल दंतेवाड़ा जिला अस्पताल म पोस्टमार्टम बर लाए गे हे। पोस्टमार्टम के बाद पुलिस लाइन कारली म सलामी दे जाहि। सलामी के बाद पार्थिव शरीर ल उंखर गृहग्राम बिहार बर रवाना करे जाहि।