अवैध रेत परिवहन करत 16 गाड़ी जब्त, एसडीएम ह करिन कार्रवाई

जांजगीर-चांपा.  महानदी म प्रतिबंध के बावजूद लगातार अवैध रेत परिवहन होवत हे। आज पामगढ़ एसडीएम ह अवैध रेत परिवहन करईया मन ऊपर बड़े कार्रवाई करे हे। ये दउरान अवैध रेत परिवहन करत 16 गाड़ी ल जब्त करे गे हे। रेत ल बिलासपुर लेगत रिहिस। बतात हे कि मुलमुला थाना इलाका म 9 अउ पामगढ़ थाना म 7 गाड़ी अवैध रेत परिवहन करत पकड़ईस हे। ये कार्रवाई पामगढ़ अउ मुलमुला थाना प्रभारी के संग खनिज विभाग के अधिकारी मन ह मिलके करे हंवय। ये कार्रवाई ल जिला म अब तक के बड़का अनुविभागीय कार्रवाई बताए जात हे।