बाजपेयी जी के अस्थि मन ल महानदी संगम राजिम म करे गिस बिसरजित

<strong>राजिम।</strong> पूरव प्रधानमंत्री स्व. अटल बिहारी बाजपेयी के अस्थी मन ल महानदी संगम राजिम म बिसरजित करे गिस। राज्य के कृषि मंत्री बृजमोहन अग्रवाल समेत मंत्रिमंडल के सबो सदस्य मन ह गुरुवार के अस्थि बिसरजन करिन। हालांकि खराब मउसम के चलत मुख्यमंत्री डॉ रमन सिंह ह नइ पहुंच पाइन। ये मउवका म बड़ संख्या म राजिम क्षेत्र के कारयकरता अउ ग्रामीन मन मवजूद रहिन हे। महानदी के जलस्तर ल देखत हुये सुरक्छा के लिहाज ले एसडीआरएफ के टीम घलो तइनात रहिस हे।
बता दन के अटलजी के अस्थी मन ल छत्तीसगढ़ के नदी मन म बिसरजन बर बुधवार के नई दिल्ली ले लेके प्रदेस भाजपा अध्यक्छ धरमलाल कौशिक रायपुर पहुंचे रहिस हे। येखर बाद आज अस्थि कलस यात्रा निकाले गिस अउ राजिम स्थित महानदी संगम म बिसरजित करे गिस। इही तरह दुर्ग म घलो शिवनाथ नदी म अस्थि बिसरजित करे गिस