जय जोहार। छत्तीसगढ़ (chhattisgarh ) म कोरोना संक्रमण ले बचाव बर मनखे मन के तेजी ले टीकाकरण करे जावत हे । प्रदेस म एक करोड़ 68 लाख 69 हजार 073 मनखे मन ल कोरोना ले बचाव के दूनों टीका लगाय जा चुके हे ।
प्रदेस म टीकाकरण बर पात्र 18 बछर ले जादा के 82 फीसद अउ 15 ले 18 बछर के 43 फीसद किसोर मन ल दूनों टीका लग गेहे । (chhattisgarh )इहां तीन लाख 78 हजार 611 स्वास्थ्यकर्मी, फ्रंटलाइन वर्कर अउ 60 बछर ले ऊपर के मनखे मन ल प्रिकॉसन डोज घलो लगाय जा चुके हे।
(chhattisgarh ) राज्य म 18 बछर ले ऊपर के शत-प्रतिशत अउ 15 ले 18 बछर के 67 फीसद जनसंख्या ल पहलइया टीका लग गेहे। इहां 18 बछर ले ऊपर के एक करोड़ 97 लाख 57 हजार 492 मनखे अउ 15 ले 18 बछर के 11 लाख पांच हजार 719 किसोर मन ल कोरोना वैक्सीन के पहलइया टीका लगाय जा चुके हे ।
उहें 15 ले 18 बछर उमर वर्ग के सात लाख सात हजार 663 लईका मन ल दूनों टीका टीके लगाय जा चुके हे। दूनों आयु वर्ग म पहलइया, दूसरइया अउ प्रिकॉसन डोज ल मिलाके प्रदेस भर म अब तक (3 मार्च तक) कुल तीन करोड़ 81 लाख दस हजार 895 टीका लगाय गेहे ।
No Comment! Be the first one.