छत्तीसगढ़ म असाक्षर ल साक्षर बनाय बर संचालित होही पढ़ना लिखना अभियान, केन्द्र सरकार ले मिलिस मंजूरी

जय जोहार…. छत्तीसगढ़ म असाक्षर ल साक्षर बनाय बर पढ़ना लिखना अभियान ल संचालित करे जाही। एखर तहत असाक्षर ल पढ़ाये जाही। भारत सरकार के तरफ ले प्रदेश के असाक्षर ल साक्षर करे बर पढ़ना लिखना अभियान ल स्वीकृति प्रदान करे गे हे। केन्द्र सरकार के तरफ ले तय आकांक्षी जिला म ए अभियान ल प्राथमिकता दे जाही। ए आशय के पत्र मानव संसाधन विकास मंत्रालय के अंतर्गत स्कूल शिक्षा अऊ साक्षरता विभाग नई दिल्ली ह छ्त्तीसगढ़ के प्रमुख सचिव स्कूल शिक्षा विभाग ल भेजे हे।

उल्लेखनीय हे कि प्रदेश ल एक वर्ष म दू लाख 50 हजार लोगन मन ल साक्षर करे के लक्ष्य दे गे हे। ज्ञात हो कि पूर्व म साक्षर भारत कार्यक्रम ह मार्च 2018 म बंद हो गे रहिस, जेमा प्रदेश म असाक्षर ह बचे रह गे रहिस। ए नवा योजना म स्कूल अऊ कालेज के विद्यार्थी के अलावा एनसीसी, एनएसएस, नेहरू युवा केंद्र समेत आन स्वयंसेवी ल प्रोत्साहित करे जाही।