Chhattisgarh म कोरोना वैक्सीन के पहला खुराक लेवइया के संख्या ह डेढ़ करोड़ ले जादा

जय जोहार…. प्रदेस (Chhattisgarh ) म कोरोना वैक्सीन के पहला टीका लगवइया मन के संख्या ह डेढ़ करोड़ ले जादा हो गेहे। प्रदेस म अब तक (21 अक्टूबर तक) एक करोड़ 55 लाख 77 हजार 521 मनखे मन ह कोरोना ले बचाव बर वैक्सीन के पहला खुराक ले चुके हे।

उहें 66 लाख आठ हजार 855 मनखे मन ल दुनो टीका लगाय जा चुके हे। राज्य म पहलइया अउ दुसरइया दुनो खुराक ल मिलाके अब तक कुल दो करोड़ 21 लाख 86 हजार 376 टीका लगाय गेहे।

प्रदेस (Chhattisgarh ) म तीन लाख दस हजार 393 स्वास्थ्य कर्मी, तीन लाख 18 हजार 635 फ्रंटलाइन वर्कर, 45 बछर ले ऊपर के 62 लाख 18 हजार 488 अउ 18 ले 44 बछर उमर वर्ग के 87 लाख 30 हजार 005 मनखे मन ल कोरोना ले बचाव के पहला टीका लगाय जा चुके हे।

उहें (Chhattisgarh ) दो लाख 65 हजार 580 स्वास्थ्य कर्मी, दो लाख 57 हजार 020 फ्रंटलाइन वर्कर, 45 बछर ले ऊपर के 33 लाख 69 हजार 146 अउ 18 ले 44 बछर उमर वर्ग के 27 लाख 17 हजार 109 मनखे मन ल दुनो टीका लगाय जा चुके हे।