बम लगाए म एक्सपर्ट नक्सली दंतेवाड़ा से गिरफ्तार

दंतेवाड़ा. जिला पुलिस ह एक शातिर नक्सली ल गेरफ्तार करे के दावा करिसहे. पुलिस के मुताबिक गिरफ्तार नक्सली आईईडी लगाए म काफी माहिर हवय. कटेकल्याण इलाका ले नक्सली ल हिरासत म ले के बात पुलिस कहत हवय. जिला पुलिस बल ह ये कार्रवाई करिस हे . पुलिस बहबताइस के, गेरफ्तार नक्सली कई संगीन वारदात मन म सामिल रहे हे. एसपी अभिषेक पल्लव ह नक्सली के गिरफ्तार होए के पुष्टि करिस हे.

नक्सली के गेरफ्तारी के जानकारी देवत हुए पुलिस ह विज्ञप्ति घलो जारी करे हे. पुलिस ले मिले जानकारी के मुताबिक जिला पुलिस बल के टीम कटेकल्याण इलाका म सर्चिंग बर निकले रिहिस हे. पुलिस ल मुखबिर ले नक्सली के मउजूदगी के सूचना पहिली ही मिले रिहिस हे. घेराबंदी कर पुलिस ह नक्सली ल उसकोपारा, गुडसे के पहाड़ ले हिरासत म लिस.
पुलिस ह गेरफ्तार नक्सली के नाम जनमिलिशिया सदस्य जोगा राम माड़वी बतायहे. पुलिस के मुताबिक गेरफ्तार नक्सली ले बम घलो बरामद होइस हे. पुलिस पार्टी स नुकसान पहुंचाए बर कतको जगा बम लगाए के मामला म पुलिस ल काफी लम्बा बेरा ले नक्सली के तलास रिहिस हे.