बस स्टैंड म बच्चा ला जन्म देवत रिहिस महिला, लोगन मन बनावत रिहिन वीडियो

दमोह। इहां के बस स्टैंड म इतवार के बिहनिया एक महिला हा बच्चा ला जनम दिस। बस स्टैंड म मौजूद यात्री मन महिला के मदद करे के बजाय प्रसव के वीडियो बनावत रिहिन।

इही बीच कोनो यात्री हा डायल 108 ला सूचना दिस। करीब आधा घंटा बाद एंबुलेंस पहुंचिस अउ महिला ला अस्पताल लेगिस। महिला अउ नवजात बच्चा के हालत खतरा ले बाहिर बताए गे हे। बताए जाथे कि वो महिला का कुछ दिन ले दमोह अस्पताल म भर्ती रिहिस।

घटना ल देखइया मन के बताए अनुसार ये घटना सुबह करीब आठ बजे के आय। बस स्टैंड म दू झन महिला रिहिन। जेमा एक झन गर्भवती रिहिस। गर्भवती महिला हा पन्ना जाना वाला बस के नीचे खड़े रिहिस। ओकर साथ जेन महिला रिहिस ओहा बस म सामान ला जोरत रिहिस। इसी बीच गर्भवती महिला हा अचानक जमीन म बइठ गे अउ ओहा एक बच्चा ला जनम दिस।

लेकिन बस स्टैंड म मौजूद महिला अउ दूसर यात्री मन ओकर करे के बजाय वीडियो बनाना शुरू कर दिन। एक बुजुर्ग हा ओमन ला फटकारिस अउ महिला के मदद करे बर किहिस त एक झन महिला हा प्रसूता अउ ओकर संग वाली महिला के मदद करे बर पहुंचिस।

दमोह अस्पताल के सिविल सर्जन ममता सिंगोरी के कहना हे कि महिला कुछ दिन ले इहां एडमिट रिहिस। ओकर मानसिक स्थिति ठीक नई हे। ओकर साथ ओकर सास हे, लेकिन ओला कम सुनई देथे। अस्पताल ले सुबह कब चले गे, पता ही नई चलिस।