बलौदाबाजार के कार्यकर्ता सम्मेलन म गरजिस बृजमोहन, सुनील, शिवरतन

धर्मयुद्ध हे ये लोकसभा चुनाव ,एक ओर राष्ट्रधर्म निभावत हे मोदी त दूसर तरफ राष्ट्र विरोधी ताकत मन के संग खड़े हे कांग्रेस : बृजमोहन

रायपुर. छत्तीसगढ़ के कद्दावर भाजपा नेता बृजमोहन अग्रवाल ह कहिन के, ये लोकसभा चुनाव एक धर्म युद्ध हे.  एक तरफ हे राष्ट्र धर्म का पालन करत हुए देस ल विश्व के सिरमौर बनाय शिद्दत के संग काम करत हवय भाजपा नेतृत्व प्रधानमंत्री नरेंद्र मोदी त दूसर तरफ भारत के टुकड़ा करे के साजिस रचइया  समर्थक मन के दल.

अइसे म भारतीय जनता पार्टी के सबो राष्ट्रवादी कार्यकर्ता मन ल एकजुटता के परिचय देवत हुए ये लोकसभा चुनाव म कमल फूल के भाजपा प्रत्यासी सुनील सोनी ल प्रचंड मत ले जिताए पूरा ताकत झोंकना हे. उमन कहिन के,  भाजपा संगठन ह निष्ठावान कार्यकर्ता रायपुर के पूर्व महापौर सुनील सोनी ल सांसद के प्रत्याशी बनाय हे. इमन ल विजय दिलाके नरेंद्र मोदी ल प्रधानमंत्री बनाए बर एक संकल्प के संग हमन ल चुनावी मईदान म उतरना हे. बलौदा बाजार के ग्राम सुहेला म ये सम्मेलन आयोजित होइस.

जेमा क्षेत्र के हजारों भाजपा कार्यकर्ता मन ह हिस्सा लिन. ये सम्मेलन म भारत माता के जय अउ वंदे मातरम के जय घोष करत हुये कार्यकर्ता मन ह भाजपा प्रत्याशी सुनील सोनी ल जिता के लोकसभा भेजत हुये नरेंद्र मोदी ल प्रधानमंत्री बनाए बर अपन योगदान सुनिश्चित करे के वादा दुहराइस.

ये सम्मेलन म बृजमोहन अग्रवाल ह अपन ओजपूरन भासन म कार्यकर्तामन म जोश भरिस. उमन कहिन के, ये चुनाव देस के चुनाव हे. देस के मान-सम्मान अउ स्वाभिमान के रक्षा के चुनाव हे. आज यशस्वी प्रधानमंत्री नरेंद्र मोदी के हाथ म भारत के सुनहरा भविष्य के नींव रखे जात हे. देस के जनता म एक विश्वास जगिस हे.उमन कहिन,  देस ह कांग्रेसी सरकार के वो दिन घलो देख चुके हे. जब पाकिस्तान ले आवइया आतंकी हमार मुंबईअउ अक्षरधाम जइसे पवित्र स्थल मन म बम विस्फोट कर के चले जात रहिन हे.  अब देश ह करवट बदले हे अउ नरेंद्र मोदी के रूप म एक शेर प्रधानमंत्री देस ल मिले हे. ये मोदी ईंट के जवाब पत्थर ले देना जानत हे.

पाकिस्तान म सर्जिकल स्ट्राइक अउ एयर स्ट्राइक कर हमन मोदी ल जवाब देवत देखे हन. बृजमोहन ह कहिन के, जाति, धर्म, बिरादरी ले परे हो के देस बर सबो के एकजुट होना हो ही. काबर के देस हे त हमन हन. सुनील सोनी ह कहिन,  पार्टी ह भरोसा के संग लोकसभा चुनाव लड़े बर  मईदान म उतारे हव. भाजपा के सबो कार्यकर्ता मन के संग मिल के हमन रायपुर लोकसभा के चुनाव लड़ना हे अउ कांग्रेस ल परास्त करना हे.

भाटापारा विधायक शिवरतन शर्मा ह सम्मेलन म अपन विचार व्यक्त करत हुए कहिन के,  मोदी  के दमदार नेतृत्व के दम म देस के मान विश्व म बढ़े हे. दुश्मन देश आंख उठाए के  हिम्मत नई जुटा पावत हे.  मोदी राज म सिर उठात ही आतंकवादा मन के सिर कुचल दिस हे.  आज केवल देस के विकास अउ देस प्रेम के बात होवत हे.