चोरी हो गे पूर्व महिला मंत्री के घर म , पुलिस ह करिस मामला दर्ज

जय जोहार रायपुर. नवा साल के रात अज्ञात चोर मन पूर्व मंत्री लता उशेंडी के घर म हाथ साफ़ कर दिस, बता दन कि वो दिन पूर्व मंत्री ह अपन गृह ग्राम कोंडागांव म रिहिस, घर म भांचा अंकुश अऊ पी एस ओ रिहिस, घटना के समय अंकुश ह नवा साल माने बर बाहर गे रिहिस अऊ पी एस ओ ह सुतत रिहिस.

चोर मन एखरे फायदा उठा लिस, अंकुश जब देर रात वापस आइस त देखिस कि घर म चोरी होगे, अंकुश के बताय अनुसार घर ले दस हजार नगद अऊ बीस हजार के सोना चोरी होय हे, पुलिस ह मामला दर्ज करके चोर के तलाश करत हे.