पूछताछ म फिरोज ह करोड़ों के लेन-देन के बात कहिस

रायपुर । अंतागढ़ टेप कांड के मास्टरमाइंड फिरोज सिद्दीकी ले पूछताछ जारी हे। फिरोज अपन वकील के संग गंज थाना म पूछताछ  बर पहुंचे रहिस हे। ओला भूपेश सरकार के एसआईटी के गठन करे जाए के बाद तलब करे गिस हे।

फिरोज सिद्दीकी ले  पाछू 4 घंटे ले एसआईटी के पूछताछ जारी हे।  ए पूछताछ म कई बड़े नाम मन के खुलासा हो सकता हे। सूत्र मन के मुताबिक पूछताछ म फिरोज ह मामला म करोड़ों के लेन-देन के बात स्वीकार करे हे।

अंतागढ़ टेप कांड मामला के मास्टरमाइंड फिरोज सिद्दीकी ह मामला म खुलासा करते हुए कहिन के, हां लेन देन होए हे, उहूं छोटा मोटा नइ, करोड़ों के लेन देन होए हे।  उमन कहिन के, जे कुछु होए हे वो सबला सच बता हूं। जतना भी राजनीतिक अपराध होइस हे ए सबके खुलासा कर हूं।

 बता दन के भूपेश सरकार ह एसआईटी टीम के गठन करे जाए के बाद अंतागढ़ टेप कांड मामला के मास्टरमाइंड फिरोज सिद्दीकी ल आज रायपुर एसपी डीएसपी माहेश्वरी के ऑफिस म संझा 4 बजे तलब करे गिस।