जय जोहार। (Bilaspur) छत्तीसगढ़ टूरिज्म बोर्ड डहार ले बिलासपुर म क्षेत्रीय कार्यालय सह पर्यटन सूचना केन्द्र के सुभारंभ करे गीन । छत्तीसगढ़ पर्यटन बोर्ड के अध्यक्ष अटल श्रीवास्तव अउ अन्य अतिथि ह प्रताप चौक स्थित राघवेन्द्र भवन म क्षेत्रीय पर्यटक सूचना केंद्र के सुभारंभ करीन ।
ए मउका म पर्यटन मंडल के अध्यक्ष अटल श्रीवास्तव ह बताइन कि क्षेत्रीय कार्यालय ले बिलासपुर संभाग के मुख्य पर्यटन केंद्र खूंटाघाट जलासय, अचानकमार अभ्यारण्य, मल्हार, ताला, रतनपुर, हसदेव बांगों, सतरेंगा, मदकूद्वीप म पर्यटक के मूलभूत सुविधा के विकास बर सम्बन्धित विभाग के समन्वय ले जल्द कार्यवाही करे जाही ।
ए केन्द्र ले पर्यटन सम्बन्धी सबो जानकारी प्रदान करे जाही । संगेसंग ही क्षेत्रीय कार्यालय ले बिलासपुर संभाग के भीतर सबो जिला म पर्यटन गतिविधि के समन्वय ले पर्यटन ल बढ़ावा दे जाही ।
No Comment! Be the first one.