मां महामाया मंदिर परिसर म भव्य प्रवेश द्वार के लोकार्पण, वन मंत्रीकहिन- आस्था के केन्द्र हमर सांस्कृतिक पहचान
रायपुर। वन मंत्री केदार कश्यप ह कहिन है कि हमर आस्था के केन्द्र हमर धार्मिक अउ सांस्कृतिक पहिचान हे। एखर संरक्षण करना हम सब के जिम्मेदारी हे। वन मंत्री कश्यप आज अम्बिकापुर म महामाया मंदिर परिसर म भव्य प्रवेश द्वार के लोकार्पण समारोह ल सम्बोधित करत रहिन। कार्यक्रम के अध्यक्षता महिला अउ बाल विकास मंत्री लक्ष्मी राजवाड़े ह करिन।
वनमंत्री कश्यप ह कहिन कि प्रयागराज म चलत महाकुंभ के बेर मंदिर परिसर म भव्य द्वार खुलना हम सबझन बर गौरव अउ सौभाग्य के बात हे, मां महामाया के नाव ले ही सरगुजा के पहिचान हे। ओमन ह कहिन कि महामाया के कृपा ले सरगुजा आज तेजी ले आघु बढ़त हे। प्रधानमंत्री नरेन्द्र मोदी अउ मुख्यमंत्री विष्णु देव साय के नेतृत्व म डबल इंजन के सरकार द्वारा सरगुजा अंचल म तेजी ले विकास कार्य करत हें।
वनमंत्री कश्यप ह कहिन कि छत्तीसगढ़ म गांव गरीब अउ किसान मन के संग ही जम्मों वर्गों के बेहतरी अउ उन्नति बर कार्य करत हें। ए अवसर म विधायक सर्वश्री रामकुमार टोप्पो, राजेश अग्रवाल, प्रबोध मिंज अउ छत्तीसगढ़ राज्य युवा आयोग के अध्यक्ष विश्वविजय सिंह तोमर, स्थानीय जनप्रतिनिधि अउ अधिकारी-कर्मचारी सहित बड़का संख्या म लोग उपस्थित रहिन।
