chhattisgarh : सीएम भूपेश बघेल ह रायपुर अउ गौरेला-पेंड्रा-मरवाही जिला म 681 करोड़ के विकास कार्य के करिन लोकार्पण अउ भूमिपूजन

जय जोहार…. (chhattisgarh) सीएम भूपेश बघेल ह आज अपन रायपुर के निवास कार्यालय ले रायपुर अउ गौरेला-पेण्ड्रा-मरवाही जिला म 681 करोड़ रुपया ले जादा लागत के 752 विकास कार्य के वर्चुअल भूमिपूजन अउ लोकार्पण करिन।

रायपुर जिला म 561 करोड़ 32 लाख रुपया के 391 विकास कार्य म 28 कार्य के लोकार्पण अउ 467 करोड़ रुपया के 363 कार्य के भूमिपूजन सामिल हे। अइसने गौरेला-पेण्ड्रा-मरवाही जिला म 120 करोड़ 8 लाख रुपया के लागत के 361 कार्य म 67 करोड़ 26 लाख के लागत ले 300 विकास कार्य के भूमिपूजन अउ 52 करोड़ 81 लाख के 61 कार्य के लोकार्पण सामिल हे।

वर्चुअल कार्यक्रम म (chhattisgarh) मुख्यमंत्री श्री बघेल ह रायपुर के बाल आश्रम म समाजसेवी श्रीश्रीमाल अउ पत्रकारिता के पुरोधा गोविंदलाल वोरा के प्रतिमा के घलो अनावरण करिन। सीएम बघेल ह कहिन कि समाजसेवी नेमीचंद श्रीश्रीमाल अउ पत्रकारिता के पुरोधा गोविंदलाल वोरा ह समाज सेवा के क्षेत्र म जेन योगदान दे हे, ओला भुलाया नई जा सकथे।

छत्तीसगढ़ म दाऊ कल्याण सिंह ले लेके नगर माता बिन्नी बाई तक त्याग, दान अउ परोपकार के परंपरा रहे हे। (chhattisgarh) नेमीचंद श्रीश्रीमाल अउ गोविंद लाल वोरा ह उही परंपरा ल आगू बढ़ाइस हे ओखर प्रतिमा मनखे मन ल हमेशा परोपकार बर प्रेरित करत रही। कार्यक्रम म मुख्यमंत्री बघेल ह दुनो जिलों म अलग अलग योजना के हितग्राही मन ले चर्चा करिन।