पुनिया के बड़का बयान, एक हप्ता म मिल जाहि राष्ट्रीय कांग्रेस ल नवा मुखिया
रायपुर. राहुल गांधी के कांग्रेस राष्ट्रीय अध्यक्ष पद ल इस्तीफा दे के बाद नवा अध्यक्ष के घोषना ल लेके छत्तीसगढ़ प्रभारी पीएल पुनिया ह बयान दिन हे कि एक सप्ताह म पार्टी ल नवा राष्ट्रीय अध्यक्ष मिल जही। श्री पुनिया ह कांग्रेस भवन म विधायक दल के बैइठक के बाद मीडिया ले बातचीत करत कहिन कि एक सप्ताह म कांग्रेस के राष्ट्रीय अध्यक्ष के घोषना कर दे जाही। अध्यक्ष के अनुमोदन के बाद नवा कार्यकारिणी के गठन होही। वो ह कहिन कि सरकार के कामकाज के समीक्षा ल जनता ह करथे।
