Train: ए तारीख ले सुरु होवइया हे इंदौर-पुरी-इदौर स्पेशल ट्रेन के परिचालन, पढ़व

जय जोहार…. (Train) रेल प्रशासन के तरफ ले यात्री मन के सुविधा ल धियान म रखत हुये इंदौर-पुरी-इंदौर हमसफर साप्ताहिक सुपरफास्ट स्पेशल ट्रेन के परिचालन करे जावत हे। ए ट्रेन ह गाड़ी संख्या 09371 इंदौर-पुरी हरेक मंगलवार के 23 मार्च ले चलही। उहचे पुरी-इदौर हरेक गुरुवार के 25 मार्च ले चलही। ये ट्रेन के परिचालन ह अवइया सूचना तक करे जाही।

इंदौर ले पुरी हमसफर साप्ताहिक स्पेशल ट्रेन (Train) ह हरेक मंगलवार के इंदौर ले 15.00 बजे रवाना होही। ए ट्रेन ह गोंदिया, राजनांदगांव, दुर्ग, रायपुर, बिलासपुर स्टेशन होवत हुये 18.45 बजे पुरी पहुंचही।

अइसने (Train) गाड़ी संख्या 09372 पुरी-इंदौर हमसफर साप्ताहिक स्पेशल ट्रेन ह हरे गुरुवार के पुरी ले 12.30 बजे रवाना होही। ये ट्रेन ह बिलासपुर, रायपुर, दुर्ग, राजनांदगांव, गोंदिया होवत हुए अवइया दिन 05.40 बजे इंदौर पहुंचही। ये ट्रेन ह आरक्षित हे अऊ केवल कंफर्म टिकट यात्री मन ल यात्रा करे के अनुमति रही। संगेसंग यात्रा के दौरान कोविड 19 नियम के पालन करना होही।