बेमौसम बरसात ले फसल नुकसान के आंकलन के निर्देश, किसान मन ल मिलही आर्थिक सहायता

जय जोहार रायपुर…. मुख्यमंत्री भूपेश बघेल ह प्रदेश के सभी कलेक्टर मन ल बेमौसम बरसात अऊ ओलावृष्टि ले फसलों ल होइस नुकसान के आंकलन करके एक सप्ताह के भीतर रिपोर्ट दे बर के निर्देश दे हे।

गौरतलब हे कि राज्य के अलग-अलग स्थानों म बीते दिन बेमौसम बरसात अऊ ओलावृष्टि के चलत किसान मन के फसलों के क्षति के संभावना ल देखते हुए मुख्यमंत्री के तरफ ले जिला कलेक्टर मन ल तत्काल प्रभावित इलाकों म एखर सर्वे करे के निर्देश दे गे हे।

मुख्यमंत्री ह प्राकृतिक आपदा के चलत फसल के क्षति 33 प्रतिशत ले अधिक होए म राजस्व पुस्तक परिपत्र 6-4 म निहित प्रावधान के अनुसार प्रभावित किसान मन ल आर्थिक अनुदान सहायता दे बर के निर्देश दे हे। राजस्व विभाग के तरफ ले फसल क्षति के जानकारी निर्धारित परिपत्र म एक सप्ताह के भीतर उपलब्ध कराए बर प्रदेश के सबो कलेक्टर मन ल पत्र भेजे गिस हे।