छत्तीसगढ़ बाल संरक्षण ह सभी कलेक्टर मन लिखिस पत्र
रायपुर। छत्तीसगढ़ बाल संरक्षण ह बोर्ड परीक्षा मन छापामार दल मन ल नकल के घटना मन म आकस्मिक निरीक्षन करत समय संवेदनशील बने रहे के उद्देश्य ले प्रशिक्षन दे के निरदेस देहे. जेखर ले बोर्ड परीक्षा देवइया छात्र-छात्रा मन उपर अनावश्यक तनाव अउ दबाव नई बनय अउ परीक्षा कक्ष म लइका मन ल प्रेम व सुरक्षा के संतोषजनक वातावरण मिलय।
छत्तीसगढ़ राज्य बाल अधिकार संरक्षण आयोग के अध्यक्ष प्रभा दुबे ह ए संबंध म सबो कलेक्टर मन ल पत्र लिखके छापा मरइया मन ल प्रशिक्षन दे के निरदेस दे हे. उमन अपन पत्र म लिखे हे के आयोग लइका मन नकल करे के परवृत्ति ल रोकथाम बर सजग रहय, लेकिन एखर संग लइका मन के मानसिक स्थिति ल धियान म रखना घलो आवश्यक हवय। छापामार दल अइसे संवेदनशीलतापूर्वक व्यवहार करत हुए संयम बरतय. जेखर ले लइका मन म भय या दबाव उत्पन्न न होवय।
छापामार दल जब परीक्षा कक्ष म प्रवेश करय त ओखर ले परीक्षा म व्यवधान उत्पन्न नई होना चाही. कुछ लइका मन के गलता के कारम सबो लइका मन ल शक के नजर ले देखना घलो उचित नइए.
