रामचरण के आधा मकान हो जाहि पूरा, लेखराम ल मिलिस पईसा त विद्याभूषण ह निभा पाही अपन जिम्मेदारी..

रायपुर. राज्य सरकार ह किसान ल ओखर मन के मेहनत के वाजिब मूल्य दिलाए के वादा ल पूरा करत हे। माटीपुत्र मन ल ऐ साल 25 सौ रुपया समर्थन मूल्य धान के मिलत हे। अईसनेच राज्य सरकार पर किसान मन के कर्जा ल माफ कर दे हे। सरकार के ए फईसला ले किसान मन के सपना ह पूरा होवत हे संगे-संग खेती-बाड़ी ल प्रोत्साहन मिलत हे। किसान मन के चेहरा के खुशी साफ देखे जा सकत हे।

जांजगीर-चांपा जिला के नवागढ़ म रहवईया किसान रामचरण कर्ष ह अब पईसा के कमी ले अधूरा पड़े मकान के काम ल शुरू कर पाही। ओमन बताईन कि किसानी बर 24 हजार रुपया के कर्जा ले रिहिस जेन ल राज्य सरकार ह माफ कर दे हे। अईसे में ऐ पईसा ले ओ ह अपन घर ल बनाही। रामचरण ह अपन दो एकड़ कृषि भुईहां म 30 क्विटंल धान के पैदावारी करे रिहिन जेन म बोनस घलो मिलिस। ऐ राशि ले रामचरण ह अपन अधूरा मकान ल पूरा कर अपन सपना ल साकार करहि।

इही गांव के रहवईया विद्याभूषण ह बताईन कि वहू ह खेती किसानी बर 25 हजार के कर्जा ले रिहिस। ओमन अपन 13 एकड़ जमीन म 195 कि्वंटल धान के पैदावारी करे रहिन। जेखर ले 4 लाख 87 हजार के राशि प्राप्त होईस। एखर ले अब ओमन ह परिवार के जिम्मेदारी ल अच्छा तरीके ले निभा पाही।

सेमरा गांव म रहवईया किसान लेखराम ह बताईन कि कृषि मजदूरी कर अपन जीवन यापन कर जीवन के गाड़ी ल खीचत हे। खुद के 3 एकड़ भूमि म धान के खरीफ फसल उगाए रिहिस। उन्होंने धान उपार्जन केंद्र में 45 क्विंटल धान बेचिस। राज्य के फैसला ले ओला एखर ले एक लाख 10 हजार रुपए जादा राशि मिलिस। बता देन कि कि अकेल्ला जांजगीर-चांपा जिला म करीब 80 हजार किसान मन के लगभग पौने तीन सौ करोड़ के कर्जा माफी के फैसला सरकार ह करे हे।