सुपेबेड़ा म एक्सपर्ट्स के एक टीम ह करही जांच… सीएम भूपेश ह दिस निरदेस

दुर्ग। मुख्यमंत्री भूपेश बघेल पारिवारिक कार्यक्रम म सामिल होय बर गुरूवार के दुर्ग पहुंचे रहिन हे। इहीं दउरान उमन ल गरियाबंद के सुपेबेड़ा म किडनी के बीमारी ले होए एक मउत  के खबर मिलिस। उमन ह ए घटना म दुख जताइस। अउ कहिन के, सुपेबेड़ा म एक्सपर्ट्स के एक टीम ल भेजे जाही। जे ह जांच कर रिपोर्ट दी ही।

सुपेबेड़ा मामला म भूपेश बघेल ह कहिन के,  ए बीमारी ले मनखे मन के मउत दुखद हे।  ए बीमार के जांच बर एक्सपर्ट्स की एक टीम ल सुपेबेड़ा भेजे बर  निरदेसित करे गेहे,  टीम ह न जांच कर के रिपोर्ट सउपही। ओखर बाद फइसला ले जाही के  ए बीमारी ल रोके बर का करे जा सकत हे।