Raipur : मुख्यमंत्री ल युवक-युवती परिचय सम्मेलन अउ प्रतिभा सम्मान कार्यक्रम म सामिल होय के न्योता

जय जोहार। (Raipur ) मुख्यमंत्री भूपेश बघेल ले गुरुवार संझा ओखर निवास कार्यालय म नगर पालिका कुम्हारी के अध्यक्ष राजेश्वर सोनकर के नेतृत्व म छत्तीसगढ़ सोनकर समाज के प्रतिनिधिमंडल ह सौजन्य मुलाकात करीन ।

प्रतिनिधिमंडल ह मुख्यमंत्री ल सोनकर समाज डहार ले आयोजित करे जावत प्रदेस स्तरीय विवाह योग्य युवक-युवती परिचय सम्मेलन अउ समाज के प्रतिभा के सम्मान बर आयोजित कार्यक्रम म बतौर मुख्य अतिथि सामिल होय के न्योता दीन हे। ये कार्यक्रम अवइया 5 दिसंबर के कुम्हारी म आयोजित करे जाही।

मुख्यमंत्री ह छत्तीसगढ़ सोनकर समाज के सदस्य मन ल ए कार्यक्रम म निमंत्रण बर धन्यवाद दीन । ए अवसर म छत्तीसगढ़ सोनकर समाज के अध्यक्ष शारदा प्रसाद सोनकर, चेतन सोनकर, कैलाश सोनकर, मोहन सोनकर, दुलारु सोनकर उपस्थित रिहीन ।