जय जोहार । भारत सरकार के सार्वजनिक क्षेत्र के उपक्रम इंडियन ऑयल कॉर्पोरेशन लिमिटेड (आईओसीएल) ह छत्तीसगढ़ म टीबी के उन्मूलन म राज्य सासन ल सहयोग प्रदान करही । एखर बर नई दिल्ली म आज केन्द्रीय स्वास्थ्य मंत्री डॉ. मनसुख मंडाविया, पेट्रोलियम मंत्री हरदीप सिंह पुरी के मौजूदगी म राज्य सासन के स्वास्थ्य विभाग, केन्द्रीय स्वास्थ्य अउ परिवार कल्याण मंत्रालय के सेंट्रल टीबी डिवीजन अउ आईओसीएल के बीच एमओयू म हस्ताक्षर करे गीन । ए दउरान छत्तीसगढ़ के राज्य क्षय अधिकारी डॉ. धर्मेन्द्र गहवई घलो मौजूद रिहीन ।
आईओसीएल कॉर्पोरेट सामाजिक उत्तरदायित्व (Corporate Social Responsibility) के तहत टीबी के जांच बर छत्तीसगढ़ ल 50 ट्रूनाट मशीन अउ पांच पोर्टेबल डिजिटल एक्स-रे मशीन उपलब्ध कराही । तीन बछर तक ए मशीन के मेन्टेनेन्स (Maintenance) के खर्च घलो ओखर डहार ले उठाए जाही ।
आईओसीएल केन्द्रीय स्वास्थ्य अउ परिवार कल्याण मंत्रालय के सेंट्रल टीबी डिवीजन ल राष्ट्रीय टीबी नियंत्रण कार्यक्रम के संचालन म सहयोग प्रदान करत हे । क्षयरोग के त्वरित उन्मूलन बर परियोजना (Intensified Tuberculosis Elimination Project) के अंतर्गत आईओसीएल देश के दो राज्य छत्तीसगढ़ अउ उत्तरप्रदेश म टीबी के उन्मूलन बर सहयोग प्रदान करत हे । तीन बछर तक चलइया ए परियोजना म आईओसीएल दूनों राज्य सरकार के संग मिलके टीबी के मरीज के संख्या म 80 प्रतिशत के कमी लाय बर काम करही ।
Other Articles
No Comment! Be the first one.