Raipur म 15 जनवरी के अनियमित कर्मचारी ह करही प्रदेस स्तरीय धरना प्रदर्सन

जय जोहार । राजधानी रईपुर म अनियमित कर्मचारी ह बड़का आंदोलन के तइयारी म हे। नवा बछर म पुराना मांग ल लेके नवा जोश के संग कर्मचारी ह रद्दा म उतरे के तइयारी कर चुके हे। 15 जनवरी के रईपुर म प्रदेस स्तरीय धरना प्रदर्सन करे के तइयारी हे।

छत्तीसगढ़ अनियमित कर्मचारी मोर्चा के प्रांतीय संयोजक गोपाल प्रसाद साहू ह बताइन कि “मुख्यमंत्री डहार ले देगे आश्वासन ले ओमन ल काफी उम्मीद रिहीन , लेकिन वादा अउ घोसना के विपरीत अनियमित कर्मचारी मन के सरलग छटनी करे जात हे। पिछले 3 बछर ले संविदा वेतन अउ 5 बछर ले न्यूनतम वेतन म बढ़ोत्तरी नई करे गीन।

मुख्यमंत्री ले मिले बर कई घांव बार अनुरोध पत्र मुख्यमंत्री कार्यालय ल भेजे गीन , लेकिन अनियमित कर्मचारी मोर्चा ल मिले के बेरा तक नई दे गीन , जेखर सेती अनियमित कर्मचारी मन म नाराजगी देखे ल मिलत हे।