कोलिहा ह उठाके ले गे मां के गोदी म सोवत रिहिस 17 दिन के नवजात ल, पहिली घलो तीन लइका बन गे हे शिकार
बिहार के पूर्वी चंपारण म दिल ल झकझोर के रख देवईया घटना आघू आए हे, जिहां 17 दिन के नवजात ल कोलिहा ह उंखर मां के गोदी ले उठाके लेगे। जेकर बाद ले लापता लइका के पता नई चल पाए हे। लइका के परिजन मन अनहोनी के आशंका जतात हे। बतात हे कि ये इलाका म कोलिहा के बहुत आतंक हे।
मामला मोतिहारी के मेघुआ गांव के हरे, जिहां एक मां म गोद म सोए रिहिस 17 दिन के लइका ल कोलिहा ह उठाके लेगे। गौरतलब हंवय कि ये मेघुआ गांव म पाछु के छै महीना म तीन लइका अचानक गायब हो चुके हे। गांव वाले मन ल बहुत खोजबीन के बाद पता चलिस कि कोलिहा ह सुते मासूम लइका मन ल उठाके झाड़-झंखाड़ ले जथे अउ अपन निवाला बना लेथे। गांव वाले मन ल पहिली गायब होय रिहिस दू झन लइका के अस्थी ह झाड़ी म मिले हे।
गांव वाले मन ह कोलिहा ले सुरक्षा करे बर वन विभाग अउ पुलिस ले गुहार लगईन हे, फेर अभी तक कोनो कार्रवाई नई होय हे, जेखर ले ये इलाका म दहशत के माहौल हे।
