रिश्वतखोरी के मामला म महिला कांस्टेबल निलंबित, एसएसपी शेख ह करिन कार्रवाई

रायपुर। राजधानी म एक झन महिला कांस्टेबल पर निलंबित कर दे गिस हे। वो ह एक झन दुष्कर्म पीड़िता के परिवार ले रिश्वत के मांग करे रिहिस। परिजन मन के शिकायत ल गंभीरता से लेवत एसएसपी आरिफ शेख ह वो महिला कांस्टेबल ल तत्काल प्रभाव ले निलंबित करिन हे।

जानकारी के मुताबिक पाछु के दिन म 12 साल के नाबालिग के साथ दुष्कर्म के मामला आघू आए रिहिस। नाबालिग के परिवार वाले मन टिकरापारा थाना म दुष्कर्म के रिपोर्ट दर्ज कराए रहीस। इही मामला म पीड़िता के कोर्ट म बयान दर्ज करवाना रिहिस, जेकर बर महिला कांस्टेबल शीला दुबे ह पीड़ित परिवार ले रिश्वत के मांग करत रिहिस।