chhattisgarh : भाजपा के जेल भरो आंदोलन, बृजमोहन अग्रवाल समेत करीबन 2000 कार्यकर्ता मन गिरफ्तार, पढ़व
जय जोहार। (chhattisgarh) छत्तीसगढ़ में धरना-प्रदर्सन ल लेके जारी सरकारी आदेस के खिलाफ भाजपा ह आज प्रदेस भर म जेल भरो आंदोलन करत हे। रईपुर म करीबन दो घंटा के प्रदर्शन के बाद पुलिस ह पूर्व मंत्री बृजमोहन अग्रवाल समेत करीबन 2000 कार्यकर्ता मन ल गिरफ्तार कर लेहे । बृजमोहन ह काला गुब्बारा ल लेके सेंट्रल जेल परिसर म बइठे हे ।
रईपुर म गिरफ्तारी के बाद घलो बीजेपी कार्यकर्ता मन के विरोध जारी हे । कार्यकर्ता मन ह जेल के बाहर पुतला जलाइन हे। उहें जेन कार्यकर्ता मन ल गिरफ्तार करे गेहे। ओमन ह जेल के अंदर हनुमान चालीसा पढ़त हे।
एखर पहले पूर्व मंत्री बृजमोहन अग्रवाल के नेतृत्व म कार्यकर्ता और नेता सड़क म उतर आइन । कालीबाड़ी ले सीएम हाउस जाय बर मार्च शुरू होगे । ओमन ल रोकने बर पुलिस ह जगह-जगह बैरिकेड लगाइन। एखर बाद घलो पुलिस ल चकमा देके कार्यकर्ता मन नारेबाजी करत घड़ी चौक तक पहुंच गीन । पुलिस उहाँ ओमन ल रोके के परयास करीन , लेकिन प्रदर्सन करइया बैरिकेड म चढ़ गीन । एला लेके पुलिस अउ प्रदर्सन कारी के बीच हंगामा होय ल लगीन । भाजपाई मन काला कानून ल वापस लो जइसे नारे लगाय ल लगीन हे ।
