chhattisgarh : लोक निर्माण विभाग के समीक्षा बइठक अउ अउ गुणवत्ता परीक्षण कारीकरम म सामिल होइन मंत्री ताम्रध्वज साहू, लापरवाही म सख्त कार्रवाई करे के दीन हे निर्देस

जय जोहार। (chhattisgarh) लोक निर्माण विभाग मंत्री ताम्रध्वज साहू के अघ्यक्षता म आज इहां दीनदयाल उपाध्याय ऑडिटोरियम म विभागीय काम के समीक्षा बइठक अउ गुणवता परीक्षण कारीकरम होइन। एमा मंत्री श्री साहू ह अभियंता अउ विभागीय अधिकारी मन ल काम के गुणवत्ता के संग समय सीमा म पूरा करे के निर्देस देहे । वो हा किहीन कि काम म लापरवाही बरतइया अधिकारी अउ कर्मचारी मन म सख्त कार्रवाई करे जाही

कारीकरम म उत्कृष्ट काम करइया अभियंता मन ल मंत्री श्री साहू ह प्रसस्ति पत्र देके सम्मानित करीन । ए दउरान (chhattisgarh) संसदीय सचिव विकास उपाध्याय, चिंतामणि महाराज, लोकनिर्माण विभाग के सचिव सिद्धार्थ कोमल सिंह परदेशी, छत्तीसगढ़ सड़क विकास निगम लिमिटेड के एम.डी हिमशिखर गुप्ता अउ प्रमुख अभियंता विजय भत्तपहरी मौजूद रिहीन ।

ए अवसर म लोक निर्माण विभाग के मंत्री ताम्रध्वज साहू ह किहीन कि (chhattisgarh) मुख्यमंत्री भूपेश बघेल के बिसेस पहल पर जन सुविधा ल धियान म रखके विभाग ल निर्माण काम बर समुचित बजट दे गेहे । एखर सेती ले पिछले तीन बछर म विभाग के सबो निर्माण काम निरंतर गति ले होत हे ।