जल जीवन मिशन ले नारायणपुर म 148 घरेलू नल कनेक्शन के माध्यम ले घरो- घर म देय जाथ हे शुद्ध पानी..

जशपुरनगर। पत्थलगांव विकासखंड के ग्राम पंचायत किलकिला के ग्राम नारायणपुर म ग्राम वासी मन ल हर घर जल योजना के तहत घर म ही शुद्ध पेयजल मिलत हे, गांव म जल जीवन मिशन के कार्य पूरा हो गा हे। गांव म 2 उच्च स्तरीय जलागार स्ट्रक्चर लगे हे  जेखर क्षमता 20000 लीटर हे अउ कुल 148 क्रियाशील घरेलू नल कनेक्शन ले जम्मों झन के घर म पानी देय जात हे।  
         मुख्यमंत्री विष्णुदेव साय के मंशानुसार जिला म जल जीवन मिशन अंतर्गत् हर घर जल योजना ले लाभान्वित करे बर, लोक स्वास्थ्य यांत्रिकी विभाग ह निरंतर कार्य करत हे अउ जम्मों गांव म हर घर जल पहुंचाके ग्राम वासी मन ल योजना के लाभ दे जात हे। योजना ले  लाभान्वित ग्रामीण मन ह मुख्यमंत्री साय और जिला प्रशासन के आभार व्यक्त करत, धन्यवाद दिन। जल जीवन मिशन के आए के पहली नारायणपुर के ग्रामीण पानी के आवश्यकता बर हैंडपंप अउ कुआं म आश्रित रथे, खास कर के महिला मन जे परिवार के पानी बर हैंडपंप अउ कुआं ले पानी लावत रिहीन, अब ओ समस्या ह ए योजना के आए के बाद ले खत्म होगे हे। उहें ए योजना ले पहली ग्रामीण मन के पानी के वजह ले ज्यादा तबीयत खराब होए के समस्या रिहीन। अब पानी जांच करके पीए ले तबीयत खराब होए के समस्या म घलो कमी आए हे।