जय जोहार। आम जनता मन के समस्या अऊ ओखर मांग ले अब मुख्यमंत्री भूपेश बघेल ह सीधा रू-ब-रू हो ही। मुख्यमंत्री ह अब हर मंगलवार के जन चौपाल म आम लोगन से मिलकर ओखर मांग, समस्या ल सुनही अऊ ऊखर निराकरण करे बर जरूरी दिशा-निर्देश संबंधित विभागीय अधिकारी ल दिही।
जन चौपाल कार्यक्रम राजधानी रायपुर म मुख्यमंत्री निवास कर्यालय म हर मंगलवार के बिहनिया 11 बजे से आयोजित होही। जन चौपाल ह 2 जुलाई से शुरू होही, येखर से जन चौपाल म आम जनता ल अपन क्षेत्र के समस्या अऊ मांग ल सीधा मुख्यमंत्री ल बताय के मौका मिलही।
